Bakıda yerləşən Milli Gimnastika Arenasında idman gimnastikası üzrə "AGF Trophy" beynəlxalq turnir yarışlarının sonuncu gününə start verilib.
Buz.Su Trend-ə istinadən xəbər verir ki, turnir "yeniyetmələr", "gənclər", eləcə də "böyüklər" yaş kateqoriyaları arasında keçirilir.
Bu gün turnirin qalibləri və mükafatçıları müəyyənləşəcək.
Azərbaycanı finalda "yeniyetmələr" yaş kateqoriyasında təmsil edənlər: Emin Xankişiyev, İlham Salayev, Hüseyn Qəhrəmanov, Məhəmməd Rüstəmzadə, Leyla Məmmədzadə, Albina Əliyeva və Aynaz Məcizadə.
Azərbaycanı finalda "gənclər" yaş kateqoriyasında təmsil edənlər: Aydın Əlizadə, Nihat Muradlı, Dəniz Əliyeva, Aytən Məmmədova və Xədicə Abbaszadə.



Azərbaycanı finalda "böyüklər" yaş kateqoriyasında təmsil edənlər: İvan Tixonov, Rəsul Əhmədzadə, Nikita Simonov, Murad Ağarzaev, Mənsum Səfərov, Nazənin Teymurova və Duyqu Məcidzadə.
Qeyd edək ki, idman gimnastikası üzrə "AGF Trophy" beynəlxalq turniri Milli Gimnastika Arenasında 15-17 mart tarixləri arasında keçirilir. Yarışlarda Azərbaycan, Qazaxıstan, Ukrayna, Özbəkistan və Gürcüstanı təmsil edən 90-a yaxın idmançı iştirak edir.

Buz.Su
Xəbərlərimizi WhatsApp kanalımızdan da oxuyun

Mənbə: https://news.milli.az/sport/1190727.html