Bakıda 4 dostun əyləncəsi faciə ilə bitib. Səbail rayonunda yerləşən məşhur hotellərin birində dəhşətli hadisə baş verib.
Qaradağ rayonu Lökbatan qəsəbəsində yaşayan 26 yaşlı Kənan Mustafayev, 31 yaşlı Orxan Əmirov, 33 yaşlı təvəllüdlü Nicat Cabbarlı və 26 yaşlı Xəzər Cabbarlı ötən gecə istirahət məqsədilə hotelə gəliblər.
Onlar hotelin restoranında özləri ilə gətirdikləri viskisini içiblər, bir qədər sonra isə dostlar özlərini pis hiss etməyə başlayıblar və vəziyyətləri ağırlaşıb.
TƏBİB-dən bildirilib ki, hadisə yerinə təcili tibbi yardım briqadası cəlb olunub. Həkimlər gələnə kimi Kənan və Orxanın vəfat etdikləri məlum olub. Nicat və Xəzər isə koma halında xəstəxanaya çatdırılıblar.
Buz.Su xəbər verir ki, Qida Təhlükəsizliyi Agentliyindən isə "Xəzər Xəbərz"in sorğusuna cavab olaraq bildirilib ki, hadisə araşdırılıb və qida zəhərlənməsi ilə heç bir əlaqəsinin olmadığı məlum olub.
Həmçinin, Kliniki Tibbi Mərkəzin Toksikologiya Şöbəsindən Agentliyə verilən tibbi sənədə əsasən, həmin şəxslərin səhhətində yaranan problemin qida zəhərlənməsi ilə bağlı olmadığı öz təsdiqini tapıb.
Baş Prokurorluq da hadisə ilə bağlı məlumat yayıb.
Faktla bağlı araşdırma aparılır.
Xezerxeber.az daha ətraflı videomaterialı təqdim edir.
Buz.Su
Xəbərlərimizi WhatsApp kanalımızdan da oxuyun

Mənbə: https://news.milli.az/society/1202561.html