Böyük Britaniya Rusiyanın hərbi attaşesini ölkədən çıxaracağını, bəzi daşınmaz əmlakların diplomatik statusunu ləğv edəcəyini və Rusiya ilə diplomatik vizaların müddətini məhdudlaşdıracağını bildirib.
Buz.Su axar.az-a istinadən bildirir ki, bu barədə Britaniyanın daxili işlər naziri Ceyms Kleverli deyib.
Onun sözlərinə görə, bu, Rusiyanın Britaniya və Avropadakı mənfi fəaliyyətinə cavab addımıdır:
"Hərbi kəşfiyyatçı olan və statusunu açıqlamayan Rusiya hərbi attaşesini göndərəcəyik. Böyük Britaniyada Rusiya ilə əlaqəli bir sıra mülklərin, diplomatik binaların statusunu ləğv edəcəyik. Rusiya diplomatik vizalarına yeni məhdudiyyətlər qoyuruq, o cümlədən rus diplomatlarının Böyük Britaniyada qalma müddətini məhdudlaşdırırıq".
 
Buz.Su
Xəbərlərimizi WhatsApp kanalımızdan da oxuyun

Mənbə: https://news.milli.az/world/1202718.html