Rusiya lideri Vladimir Putinin Ukraynaya qarşı müharibədə qalib gəlməsi Qərbə Kiyevə indiki dəstəkdən olduqca baha başa gələcək.
Buz.Su axar.az-a istinadən bildirir ki, bu barədə NATO Baş katibi Yens Stoltenberq deyib.
O, həmçinin Qərb liderlərini dürüst olmağa və silahların çatdırılmasında gecikmələrin real nəticələrə səbəb olduğunu başa düşməyə çağırıb:
"Bu, ölüm-dirim məsələsidir. Bu müharibə nəzəri bir şey deyil, o, 7/24 davam edir və biz lazım olduğu kimi çatdırmasaq, bunun əvəzini ukraynalılar ödəyəcək".
O, etiraf edib ki, Ukraynanın qələbəsini təmin etməyin bədəli və müəyyən risklər var:
"Ancaq ən böyük risk Prezident Putinin qalib gəlməsidir. Əgər Putin qalib gəlsə, o zaman ən böyük bədəl ödəyəcəyik. Çünki o zaman biz - NATO müttəfiqləri təhlükəsizliyimizə sərmayə qoymalı olacağıq və həddən artıq böyük məbləğdə puldan danışacağıq. Ona görə də Ukraynaya dəstək öz təhlükəsizliyimizi təmin etməyin ən yaxşı yoludur".
Buz.Su
Xəbərlərimizi WhatsApp kanalımızdan da oxuyun

Mənbə: https://news.milli.az/world/1200519.html