Ən böyük yanaq sümüklərinə sahib olan model Anastasiya Pokreşçuk indiyə qədər döş, omba, liposaksiya, üz və göbəkşəkilləndirmə, yağaldırma, bişektomiya əməliyyatları keçirdiyini bildirib.
Buz.Su lent.az-a istinadən xəbər verir ki, türkiyə mediasına müsahibə verən məşhur model İstanbulda əməliyyat xərcləri ucuz olduğu üçün yenidən estetik prosedurlar etdirəcəyini bildirib.
Bu yaxınlarda omba əməliyyatı keçirdiyi üçün otura bilməyən model indiyə qədər keçirdiyi bütün prosedurları bir-bir sadalayıb. 4 il əvvəl əməliyyata başladığını bildirən Anastasiya yanaq sümüklərinə olan marağı ilə bağlı bunları deyib:
"Sırf bunu sevdiyim üçün əməliyyat edirəm. Mənim üçün əməliyyat problem deyil.  Belə şeylərdə çox sakitəm. Əməliyyatda olan dərmanların təsiri azalır, dərhal rəqs edib tullanıram. Türkiyədə əməliyyat olunuram, çünki burada xəstəxana xidmətlərinin səviyyəsi çox yüksəkdir və bunu çox yaxşı edirlər. Bütün bunlarla yanaşı, qiymətlər də çox münasibdir", -  o bildirib.
İndiyə qədər keçirdiyi bütün prosedurları sadalayan model deyib: "Bundan sonra yenə əməliyyat olacam. Yaşlanmağa başlayıram. 35 yaşım var və çox da gənc deyiləm. Səbəblərim olanda əməliyyat edirəm.



Döşlərim çox kiçik idi və bir neçə əməliyyat lazım idi. Bud-çanaq estetikasına da aiddir. Tam indiki ölçüdə olmasını istədiyim üçün iki əməliyyat keçirtdim. İlk əməliyyatdan sonra 12 kilo arıqladığım üçün ikinci əməliyyatımı etdim. Son olaraq omba əməliyyatı oldum və bir müddət otura bilməyəcəm. Bir ay sarğı olacaq amma nəticə çox gözəl olacaq".
Model bu halı ilə özünü çox gözəl hesab etdiyini vurğulayıb.
Buz.Su
Xəbərlərimizi WhatsApp kanalımızdan da oxuyun

Mənbə: https://news.milli.az/health/1189376.html