2023-cü ilin 31 dekabrına olan məlumata görə, respublikamızda dövlət qeydiyyatına alınmış 1,774 min 77 nəqliyyat vasitəsindən istehsal ili 10 ilədək olanların sayı 266878-dir.
Buz.Su Trend-ə istinadən xəbər verir ki, bunu Daxili İşlər Nazirliyinin Baş Dövlət Yol Polisi İdarəsinin əməkdaşı, polis polkovnik-leytenantı Mübariz Ağayev nəqliyyat vasitələrinin utilizasiyası, mövcud vəziyyət və qarşıda duran məsələlərlə bağlı keçirilən dəyirmi masada deyib.
O bildirib ki, bu da təxmin ölkəmizdə olan avtomobillərin 15%-dir.
"10 ildən 20 ilədək olanların sayı 707 min 623-dür. Bu da dövlət qeydiyyatına alınmış avtomobillərin 39,9%-ni təşkil edir. 20 il və ondan yuxarı olanların sayı isə 799526 ədəddir ki, bu da avtomobillərin 45,1 faizdir.
Hazırda ölkəmizdə hibrid avtomobillərinin sayı 42 min 461, elektrik mühərrikli avtomobillərin sayı isə 3 min 138-dir. Onların sayında kifayət qədər artım var", - deyə o qeyd edib.

Buz.Su
Xəbərlərimizi WhatsApp kanalımızdan da oxuyun

Mənbə: https://news.milli.az/country/1179742.html