Rusiya payız-qış dövründə Ukraynanın kritik infrastrukturunu atəşə tutmağa hazırlaşır.
Sonxeber.pro axar.az-a istinadən bildirir ki, bunu Ukrayna Hərbi Hüquq Araşdırmaları Mərkəzinin rəhbəri Aleksandr Musienko deyib.
"Demək olar ki, düşmən məhz payız-qış dövründə hücumların sayını və intensivliyini artırmaq üçün raketləri müəyyən bir zərbə üçün toplayır", - o bildirib.
Eyni zamanda, Musienko Ukraynadan cavab zərbələri endirəcəyini proqnozlaşdırır:
"Necə deyərlər, bu oyunu iki nəfər oynaya bilər. Ona görə də Ukrayna qüvvələri də cavab zərbələri endirmək və güclü cavab vermək üçün müəyyən vasitələr toplayacaqlar. Üstəlik, hava hücumundan müdafiə sistemləri tərəfdaşlarımızın köməyi sistemli şəkildə artırılacaq".
Sonxeber.pro

Mənbə: https://news.milli.az/russia/1141344.html