İstanbulun Kartal rayonunda uşaq bağçasında ingilis dili müəllimi işləyən Britaniya vətəndaşı Keti Erorbay taksi sürücüsü Mustafa G. tərəfindən tapança ilə öldürülüb.
Buz.Su baku.ws-ə istinadən bildirir ki, bu barədə Türkiyə mediasına istinadən xəbər verir.
Hadisə dünən saat 15.30 radələrində Orhantəpə məhəlləsində baş verib.
Məlumata görə, Erorbay bağçadan çıxaraq maşınına minib. Bu zaman Mustafa G. taksi ilə Erorbayın maşınına yaxınlaşaraq müəllimi zorla maşından endirməyə çalışıb.
Avtomobilindən düşmək istəməyən Erorbay ilə taksi sürücüsü Mustafa G arasında mübahisə yaranıb.
Daha sonra Mustafa G. yanında olan silahla Erorbaya atəş açıb. Açılan atəş nəticəsində Keti Erorbay qan içində yerə yıxılıb.
Hadisədən sonra Mustafa G. müəllimi vurduğu silahla intihara cəhd edib. Əraziyə polis və tibb qrupları cəlb edilib.
Hadisə yerində Erorbaya ilkin tibbi yardım göstərən sağlamlıq qrupları müəlliminin öldüyünü müəyyən edib.  Mustafa G. təcili yardımla xəstəxanaya aparılıb.
İlkin məlumatlara görə, həyatını itirən Keti Erorbayın Hakan Erorbayla evli olduğu və evliliklərindən bir uşaqları var.
Taksi sürücüsü Mustafa G.-nin mərhum müəllimə ilə maraqlandığı və onu narahat etmək üçün dərsdən sonra tez-tez bağçaya getdiyi qeyd edilib.
Polis hadisə ilə bağlı araşdırmalara başlayıb.
Buz.Su
Xəbərlərimizi WhatsApp kanalımızdan da oxuyun

Mənbə: https://news.milli.az/turkey/1180106.html