Ukrayna Prezidenti Vladimir Zelenskinin İrəvana səfər etməsinin, düşünürəm, o qədər də problemli tərəfi yoxdur.
Buz.Su xəbər verir ki, bu sözləri Axar.az-a açıqlamasında sabiq xarici işlər naziri, politoloq Tofiq Zülfüqarov deyib.
"Burada əsas məqsəd Rusiyaya mesaj verməkdir. Zelenski Rusiyayanın müttəfiqi olan Ermənistana səfər edə biləcəyini göstərməklə, hətta onun hərbi müttəfiqlərinin də bu müharibədə Rusiyanı dəstəkləmədiyini nümayiş etdirmək istəyir. Ermənistanın buradakı xeyrini demək isə çətindir. Bəlkə də İrəvan işarə edir ki, o, qərbyönümlü siyasət yürüdür", - T.Zülfüqarov bildirib.



Qeyd edək ki, Ermənistan mətbuatı Zelenskinin martın 4-də İrəvana səfər edəcəyi haqda məlumat yayıb.

Buz.Su
Xəbərlərimizi WhatsApp kanalımızdan da oxuyun

Mənbə: https://news.milli.az/armenia/1185874.html