Tıxac problemini həllə etmək üçün bir xidmət - "Azparking" təklif edilib, ancaq bu xidmət vətəndaşları qane etmir.
Buz.Su Trend-ə istinadən bildirir ki, bunu deputat Naqif Həmzəyev parlamentin bu gün keçirilən iclasında deyib.
O qeyd edib ki, əvvəllər vətəndaşlar gün ərzində parklanmaya 1-2 manat ödəyirdisə, indi 5-10 manat ödəyir.
"Təklif edirəm ki, parklanmadan çox istifadə edən vətəndaşlar güzəştlər tətbiq edilsin", - deyə deputat bildirib.
Qeyd edək ki, Rəqəmsal İnkişaf və Nəqliyyat Nazirliyinin yanında Azərbaycan Yerüstü Nəqliyyat Agentliyi (AYNA) parklanmanın idarə edilməsi ilə bağlı mobil tətbiqi artıq istifadəyə verib. İstifədəçilər mobil tədbiq vasitəsilə boş parklanma yerlərini tapa bilirlər. Mobil tətbiq istifadəçilərin vaxtlarına qənaət etməyə imkan verir. Parkalanma yerlərinin doluluğu ilə bağlı məlumatlar mobil tətbiqdə xəritə üzərində rənglərlə əks edilir.
Buz.Su

Mənbə: https://news.milli.az/society/1151495.html