Dahi bəstəkar Qara Qarayev adına Mərkəzi İncəsənət Məktəbi və Xalq Artisti Fidan Hacıyevanın Vokal Musiqi Məktəbi Ümummilli lider Heydər Əliyevin 100 illiyi çərçivəsində Dünya Azərbaycanlılarının Həmrəyliyi Gününə həsr olunmuş xeyriyyə konserti keçirib.
Açılışda Mərkəzi İncəsənət Məktəbinin direktoru, professor Əziz Qarayusifli öz şücaəti ilə adlarını ölkənin şanlı salnaməsinə yazan Azərbaycan övladlarının qəhrəmanlıq rolunu qeyd edib.
Konsert proqramında məktəb şagirdlərinin klassik və vətənpərvərlik kompozisiyaları təqdim olunub, foyedə ekspozisiya nümayiş etdirilib, xeyriyyə hərracı keçirilib. Tədbirin qonaqları xeyriyyə konsertinin keçirilməsini yüksək qiymətləndirib, bütün toplanmış vəsait şəhid ailələrinə və Qarabağ müharibəsi veteranlarına yönəldiləcək.

Mənbə: https://news.milli.az/culture/1170637.html