Ukraynanın Xarkov şəhərindən Moldovanın Kişineu şəhərinə təxliyə edilən Azərbaycanın Milli Qəhrəmanı Viktor Seryoginin qızı Oksana Seryogina Şuşaya səfər edib.
Buz.Su xəbər verir ki, bu barədə "İTV Xəbər" reportaj hazırlayıb.
Milli Qəhrəmanın qızı bildirib ki, müqəddəs torpaqlara gəlmək onun arzusu olub:
"Yeridiyim bu torpaqda atamın qanı var. Bu, bizim üçün, xalq üçün, vətən üçün bir sınaq idi. Şuşanın hər qarışı mənə atamı xatırladır".
Qeyd edək ki, Viktor Seryogin Birinci Qarabağ müharibəsində qəhrəmancasına həlak olub.
Onun 1992-ci il yanvarın 28-də idarə etdiyi və göyərtəsində 47 sərnişinin olduğu "Mi-8" mülki helikopteri erməni mövqelərindən atılan "Stinger" raketi ilə vurulub.
Havada partlayış və salonda yanğın baş verdikdən sonra Seryogin düşməkdə olan helikopteri Şuşa şəhərinin yaşayış məhəllələrindən uzaqlaşdıra bilib. Seryogin ekipaj və sərnişinlərlə birlikdə həlak olub.
Buz.Su
Xəbərlərimizi WhatsApp kanalımızdan da oxuyun

Mənbə: https://news.milli.az/country/1178829.html