UEFA Millətlər Liqasında ilk qələbəsini qazanan qadın futbolçulardan ibarət Azərbaycan millisi görüşdən sonra bunu xüsusi şəkildə qeyd edib.
Buz.Su publika.az-a istinadən xəbər verir ki, Monteneqronu səfərdə 1:0 hesabı ilə üstələyən komandamızın üzvləri patlar dəyişmə otağında Çinar Məlikzadənin "Azərbaycan" mahnısını ifa ediblər. Onların bu addımı azarkeşlər tərəfindən maraqla qarşılanıb.
Qeyd edək ki, ilk dəfə keçirilən Millətlər Liqasının C liqasında mübarizə aparan qadınlardan ibarət milli komandamız 3-cü qrupda yer alıb. İlk görüşdə Bakıda Kiprlə heç-heçə edən zəriflərimiz səfərdə Monteneqronu üstələməklə xallarının sayını 4-ə çatdırıb. Yığmamız 2 turdan sonra eyni miqdarda xal toplayan Kiprlə 1-2-ci sıraları bölüşür.
Buz.Su

Mənbə: https://news.milli.az/sport/1145972.html