Rəsmi İrəvanın Rusiya-Ermənistan Dostluq və Əməkdaşlıq Cəmiyyətinin rəhbəri Viktor Krivopuskovu ərazisinə buraxmaması Moskvanı xoşagəlməz dərəcədə təəccübləndirib.
Sonxeber.pro report-a istinadən xəbər verir ki, bu barədə TASS mənbəyə istinadən məlumat yayıb.
Qeyd edilir ki, "avqustun 24-nə keçən gecə İrəvanın "Zvartnots" aeroportunun sərhəd xidmətinin Ermənistanla Rusiya Dostluq və Əməkdaşlıq Cəmiyyətinin prezidenti Viktor Krivopuskovu buraxmaqdan imtina etməsi barədə məlumat rəsmi Moskvanı xoşagəlməz şəkildə təəccübləndirib".
"Ermənistan hakimiyyəti Krivopuskovun ərazisinə buraxılmamasının səbəblərini izah etməyib", - mənbə bildirib.
Mənbənin sözlərinə görə, ictimai xadim respublikada yaradılmış Ermənistan-Rusiya Dostluq və Əməkdaşlıq Cəmiyyətinin təqdimat mərasimində iştirak etməyi planlaşdırırmış.
Mənbə qeyd edib ki, "artıq erməni tərəfdaşlara hakimiyyətin bu qərarının motivlərini və Rusiya vətəndaşı statusunu respublika sərhəd xidməti nöqteyi-nəzərindən izah etmələri xahiş olunub".
"Təəssüf ki, İrəvanın Rusiyanın tanınmış siyasətçilərinə, ictimai xadimlərinə, media nümayəndələrinə tətbiq etdiyi məhdudiyyətlər ikitərəfli münasibətlərin inkişafına heç bir faydası olmayan təcrübəyə çevrilir", - mənbə fikirlərini yekunlaşdırıb.
Sonxeber.pro

Mənbə: https://news.milli.az/armenia/1139808.html